اسلامنا
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

احمد بيصلي

3 مشترك

اذهب الى الأسفل

default احمد بيصلي

مُساهمة من طرف بنت الاسلام السبت 11 أبريل - 2:15

احمد بيصلي 248102


استغفـر الله العظيـم



إستووا.. إعتدلوا.. إستقيموا يرحمكم الله

الله أكبر..

أحمد ركز بأه في الصلاة وبلاش تسرح، طيب خلاص، إمممم.. هو الراجل اللي جنبي ده صوابع رجليه عاملة كده ليه؟ صباعه الكبير ده كبير أوي، آه بمناسبة الصوابع هي صوابع زينب دي اللي هيا إيه؟ بيتهيألي دي اللي عاملة زي الزلابية، زلابية؟؟ زلابية إيه بس وبتاع إيه


الله أكبر

أحمد ركز يا أحمد، طيب ماأنا مركز أهوه، مركز إيه طيب إنت قريت سورة إيه؟ أنا قريت سورة اللهب شفت بأه أنا مركز إزاي؟ لألأ دي كانت سورة الفيل

سمع الله لمن حمده


ربنا ولك الحمد، أنا جعت، بس مش عارف أفطر إيه النهاردة؟ آه المطعم الجديد اللي كانوا بيتكلموا عنه إمبارح، بيقولوا عليه أكله حلو، بس هو في شارع إيه؟ لما أخلّص الصلاة أتصل بالتليفون أعرف العنوان

الله أكبر


هيا الساعة كام دلوقتي؟ زمانها أربعة وخمسة، على فكرة هيا الساعة التانية الجلد كنت حطيتها فين؟ آه.. ياإما في الدرج ياإما في الدولاب، دولاب ايه بس يا أحمد ركز ياأحمد إنت بتصلي، أستغفر الله

الله اكبر


أهوه أنا مركز أهوه، إنظر لمكان السجود وركز في الأيات اللي بيقولها الإمام

الله أكبر


الشيطان ده أعوذ بالله بيخلي الواحد يسرح، مش هو الشيطان بيتسلسل في رمضان، يعني بيتسلسل تلاتين يوم، أيوه بس هو رمضان ده تسعة وعشرين ولا تلاتين؟ هو إبتدى إمتى؟ تعالى نحسبها كده.. هو كان يوم السبت في السعودية وفي مصر الأحد
غريبة أوي الحكاية؟ طيب لو واحد على الحدود ورجل بره ورجل جوه يصوم ولامايصومش؟ أحمد.. شفت أهوه إنت رجعت تسرح تاني

الله أكبر


هو إحنا في الركعة الكام؟ يعني هانقوم ولا هانقرأ التشهد؟ لا دي التانية، طيب أقولك إتأخر شوية وشوف الي جنبك هايقوم يقف ولا يقعد يقرأ التشهد

الله أكبر


أيوه دي الركعة التانية، شفت بأه عشان سعادتك عمال تسرح، لأ خلاص أعوذ بالله من الشيطان الرجيم

الله أكبر


السجادة دي مريحة ولونها حلو، هيا سجادة ولا موكيت، لاموكيت بنسيج السجاد، آه على فكرة إبقى إفتكر تكنس السجادة اللي في البيت بالمكنسة، بس لازم أنضف كيس المكنسة عشان بقالي مده مانضفتوش

الله أكبر


الراجل اللي جنبي ده، رجليه بتزق في رجلي، طيب أحرك رجلي شوية، الله ده بيلزقها فيا تاني، أستغفر الله

الله أكبر


فيه صوت موبايل، الناس دي ليه مش بتقفل الموبايل ساعة الصلاة.. مش عارفين ان ممكن ده يخلي الواحد مايركزش في الصلاة مع إن فيه يافطة محطوطة على الباب مكتوب عليها إغلق الجوال من فضلك وعليها صورة موبايل عليه علامة إكس.. بس هو الموبايل ده كان نوعه إيه؟ بيتهيألي سيمنس.. هيا إيه الرنة دي؟ آه أنا عايز أبقى أغير الرنة، فاكر الموضوع اللي كتبته عن رنات الموبايل

الله أكبر


الراجل اللي جنبي ده عمال يتحرك كتير، أستغفر الله مافيش خشوع خالص، أنا أهوه مش باتحرك

السلام عليكم ورحمة الله


السلام عليكم ورحمة الله

إيه هيا الصلاة خلصت ؟

السلام عليكم ورحمة الله

السلام عليكم ورحمة الله


أستغفر الله العظيم !!!!!





أعتذر عن اسلوب الكلام العامي ولكنها مشاركة منقوله وبداخلها هدف فاحببت أن أضعها لكم هنا وأسأل الله ان ينفعكم بها


احمد بيصلي Tazc1613
احمد بيصلي 510

لاتسالن بني ادم حاجة وسل الذي ابوابه لاتحجب
الله يغضب ان تركت سؤاله وبني ادم حين يسال يغضب

بنت الاسلام
بنت الاسلام

فــــريقالادارة ـ ..



أوسمة : احمد بيصلي 1-tama10
عدد الرسائل : 706
حالتك : مشتاقة الي بيت الله
الهواية : احمد بيصلي Travel10
العمــل : احمد بيصلي Studen10
تاريخ التسجيل : 10/04/2008
نقاط : 217
تقيم : 5
انثى

الرجوع الى أعلى الصفحة اذهب الى الأسفل

default رد: احمد بيصلي

مُساهمة من طرف احمد المصري الأحد 15 نوفمبر - 23:08

احمد بيصلي 652236
تسلم ايدك على الموضوع الاكثر من رائع ده
ولو ان في مبالغه شويه
بس فعلا ده بيحصل لناس كتير واحنا منهم
ربنا يتقب مناا يارب صالح الاعمال

ملحوظه: انتى قصدك مين باحمد اوعى يكون انا ها ها ها


احمد بيصلي 76398028

احمد بيصلي 34385873

احمد بيصلي 75462169
احمد المصري
احمد المصري

فــــريقالادارة ـ ..



أوسمة : احمد بيصلي Yov03910
العمر : 33
عدد الرسائل : 505
حالتك : الحمدلله
عضوية : 2
الدولة : احمد بيصلي Egypt10
الهواية : احمد بيصلي Sports10
العمــل : احمد بيصلي Engine10
تاريخ التسجيل : 06/09/2007
نقاط : 327
تقيم : 0
ذكر

https://islamna.3rab.pro

الرجوع الى أعلى الصفحة اذهب الى الأسفل

default رد: احمد بيصلي

مُساهمة من طرف همسة قلم الجمعة 1 يناير - 12:13

للأسف الكلام ده بيحصل فعلا
شكرا يا حبيبة قلبي
همسة قلم
همسة قلم

فــــريقالادارة ـ ..



أوسمة : احمد بيصلي 1010510
العمر : 33
عدد الرسائل : 448
حالتك : الحـــــــــــ ((حلـوة)) ـــــــــياة
الهواية : احمد بيصلي Travel10
العمــل : احمد بيصلي Doctor10
تاريخ التسجيل : 25/04/2008
نقاط : 215
تقيم : 0
انثى

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى