بتزعل من ربك ؟!!!

لو كنت بتحب حاجه ونفسك تتحقق وللأسف ربنا مأردش

يا تري كنت هتزعل ؟؟

أعتقد ان كتير مننا هيقول : يعني ممكن أزعل .

وناس تانيه هتقول : لأ طبعا مكنتش هزعل .

والبعض الأخر كان هيقول : دي ارادت ربنا والحمد لله.

طيب شوف ترتيب ربنا سبحانه وتعالي ..

hesh

الشخص ده كان حلمه زي حلم أي شاب أول لما يدخل الجامعه , بيكون شايف المستقبل

وراسم حلمه أمام عينيه انه لما يخلص كليته هيلاقي الوظيفه منتظراه وبيكون راسم عليها احلام

وطموحات متتعدده , من الأخر كده بيكون حاسس انه بالوظيفه هيعيش  حياه مستقره ومنعمه .

ولكن للأسف الشديد عندما تنتهي فترة الدراسه ويبص يلاقي نفسه مصطدم بالواقع المرير.

حياه بدون عمل , مفيش وظيفه , مفيش فلوس , المصروف اللي كان بيأخذه من والده خلاص

بيلاقي نفسه محرج انه يطلبه تاني . حياة في منتهي الصعوبه , يااااااااااااااااه حياة (............. )

تفتكروا ممكن يكون احساسه بالدنيا عامل ازاي , أو حتي ثقة في ربنا هيكون شكلها أزاي ؟؟

والأصعب بقي لما يلاقي واحد من أصحابه ربنا كرمه وبقي موظف شعور لا شك صعب جدا جدا .

فجأه تجيله فكره انه بدل ما هو قاعد من غير شغل وحاسس انه ملوش قيمه في الحياه يروح يتعلم

صنعه وبالفعل يبدأ في العمل علي صنعته دي ويوم ورا يوم يلاقي نفسه صاحب صنعه والحياه معاه

تتغير تماما , الحمد لله أصبح فرد عامل ومطلوب من كل الناس , الكل في حاجه اليه .

الحمد لله علي هذه النعمه . ولكن كلما نظر الي صاحبه الموظف يراوده نفس الاحساس بالنقص

, يشعر دائما أنه أقل من هذا الشحص , احساس أيضا صعب علي النفس البشريه .

وفي يوم من الأيام ومن غير قصد يلاقي الوظيفه أتت اليه . أخيرا أصبح موظفا , أخيرا هينام

من غير ما يكون شاعر بالنقص الحمد لله .

وتنقلب القصه فبدلا من أن يكون هو صاحب الشعور بالنقص يري أصحابه أنه أفضل منهم حالا

تفتكروا ده ايه ترتيب ربنا سبحانه وتعالي أليس كذلك .

أصبح موظفا ذا صنعه وأصبح صاحبه موظفا بلا صنعه فتخيلوا معي الفرق بينهما  !!

القصه حصلتلي أنا شخصيا كمان هش صديقي ومش بس احنا لأ لو دورنا هنلاقي شباب كتييييييييير

عاشوا نفس القصه .

رسالتي الي شبابنا المسلم :" اخي في الله حاول أن تكون شخص ذا قيمه في مكانك ولا تدع نفسك

للمحبطين للهمم ولليأس فتكون انسان غير نافع أعزنا الله واياكم أن نكون من هؤلاء "

تعلم , اجتهد , اصبر , كافح , اسعي دائما الي تحقيق طموحك , ثق بالله تعالي وتأكد أنه لا يرضي لك

إلا كل خير .

أخوكم في الله

الراجي عفو ربه

موضوعك رائع جدا ومفيد جدا لينا كلنا

ربنا يبارك فيك ويجزيك كل خير ويجعله في ميزان حسناتك

ومنتظرين منك كل ما هو جديد ومفيد طبعا

ومزيد من التقدم والثبات من الله

موضوعك بسم الله ماشاء الله جميل جدا

وفعلا بتحصل معانا ساعات بنزعل على حاجة ونكتشف بعد كده ان احنا غالطانين

لان ربنا ما بيريد لنا الا كل خير

جزاك الله خيرا على موضوعك الحلو