حاكم ومحكوم

حاكم ومحكوم

اذا كان حالنا كذلك فهل من الممكن ان نرتقى بمجتمعنا ؟

اليوم وعلي حين غفلة من كثير من الناس فوجئنا ببعض الساده المسؤلين

واقصد بهم أبناء الحزب الحاكم في بلدنا يخبرونا بأن الحزب او الحكومه

تعطي لكل قرية 12 ألف جنية .

ال 12 ألف جنية دي عرفنا انها بتتوزع علي القريه في صورة خدمات يقوم

بها مجموعه من الشباب المفروض انهم شباب حالتهم الاجتماعية بسيطة جدا

يعني ممكن نقول عليهم فقراء .

الخدمات دي تتمثل في انهم يقوموا بتنظيف وتجميل القرية وشوارعها مقابل

عائد مادي حوالي 200 جنيه عن خمسة ايام بمعني ان اليوم الواحد يساوي

40 جنيها وأظن دي حاجة محترمة جدا وبادره حسنة من حكامنا الأفاضل

تعالوا بقي نشوف اللي حصل ايه بالظبط :

أولا ركزوا معي في هذه النقطة المهمة جدا علشان مفيش واحد يقلي انت مقلتش

المفروض علي حسب كلام الاخوه المسؤلين إن المنوطين بهذا العمل هم الشباب

وخصوصا الفقراء منهم .

ولكننا فوجئنا بأن من سجلت اسماؤهم هم اولا من الشباب الموظفين فمنهم المدرس

ومنهم الشاب ناظر المعهد الديني وطبعا محدش يضحك علي الشاب الناظرلأن فعلا

كان من ضمن المجموعه اللي سجلت اسماؤهم طبعا اول خرق لشروط توزيع العمل

مش كدا وبس دا كمان كان من بين المجموعه التي سجلت اسماؤها شباب يشتغلون

في الغردقه وشرم الشيخ يعني هيسيبوا شغلهم الخمسة ايام دي علشان ينزلوا

ياخدوا ال 200 جنية .حاجه فعلا تضحك .

الأهم من كدا ان مش المفروض يكون من بيت واحد اكثر من 2 علي الاكثر

وطبعا الاخوه اللي سجلوا الاسماء اخدوا بالهم من الجزئيه دي تمام وابتدوا يأخدوا من

عائلة واحده اكتر من 15 فرد .

وللأسف الشخص الفقير فعلا اللي من حقه يشارك في المشروع دا راح يسجل اسمه قالوله

معلش الدفاتر اكتملت . حسبي الله ونعم الوكيل.

وللأمانه في شباب قالولهم تعالوا سجلوا اسماؤكم فحسوا انهم مش احق بالفلوس دي

فرفضوا.

عارفين اغرب حاجه في القصه دي ايه أن الناس الي كانت بتختار الاسماء هم من المدرسين

وكبراء العائلات يعني مش محتاجين للفلوس بقدر الفقير الذي لم يدرج اسمه ضمن الكشوف

فان كان حالنا كذلك فهل من الممكن أن نرتقي بمجتمعنا ؟

وبنلاقي نفسنا في النهاية نعيب علي النظام والحكومه فهل الحكومه السبب

أم نحن أنفسنا ؟

لانملك الا ان نقول حسبي الله ونعم الوكيل

أرجوكم شاركوني بالرأي